Konfirmohen 3 raste të reja me koronavirus në Kosovë.
Instituti i Kombëtar i Shëndetësisë Publike ka bërë të ditur se tre rastet e reja me COVID-19 janë 2 nga Prishtina dhe një në Kijevë.
Pas konfirmimit të rasteve të reja, shkon në 94 numri i përgjithshëm i të infektuarve në Kosovë.
Lajmi është bërë i ditur nga IKSHPK
Njoftimi i plotë i IKSHPK:
TRE RASTE ME COVID-19!
Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive. Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë. Nga data 08.02.2020 deri me 29.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.082 mostra të dyshimta në virusin SARS-CoV-2 dhe prej tyre, pozitive rezultojnë gjithsej nëntëdhjetë e katër (94) raste me një (1) rast të vdekjes i një të moshuari 82 vjeç.
