Policia bën të ditur se një grabitje me armë zjarri ka ndodhur gjatë natës në aksin Krujë – Fushë Krujë.
Mësohet se tre persona me maska dhe të armatosur i kanë dalë para një automjeti, duke kërcënuar drejtuesin me iniciale A.H.
Me njëherë pas ngjarjes ky i fundit ka bërë dhe denoncimin në polici, duke treguar detaje nga ngjarja. Bëhet e ditur se ai ka shpjeguar se tre persona i dolën para në rrugë rreth orës 00:30 dhe i morën makinën.
Policia shkoi menjëherë në vendngjarje dhe ngriti pika kontrolli për kapjen e tyre. Deri tani nuk ka asnjë të dhënë për identifikimin e autorëve.
Komisariati i Policisë Krujë
Më datë 24.05.2017, rreth orës 00:30, në rrugën nacionale Krujë-Fushë- Krujë , afër Teqes, persona të maskuar dhe nën kërcënimin e armës i kanë marrë mjetin tip “Benz” shtetasit A.H, banues në Krujë. Më të marrë njoftim menjëherë në vendngjarje kanë shkuar Efektivët e Policisë dhe është ngritur grupi hetimor, të cilët po punojnë për identifikimin e autorëve dhe zbardhjen e ngjarjes. Informacion paraprak./a.ç
