Sulmuesi i Real Madridit, Alvaro Morata ka tri oferta nga top-klubet angleze, ka konfirmuar agjenti i lojtarit.
Morata u ribashkua me Real Madridin nga Juventusi pasi klubi spanjoll aktivizoi klauzolën për riblerjen e tij, por mbetet e paqartë nëse 23-vjeçari do të jetë pjesë e “Mbretërve” për sezonin e ardhshëm.
Mësohet se Manchester Unitedi, Chelsea dhe Arsenali, kanë shprehur interesim për lojtarin që është i kërkuar në Premier Ligë.
“Ai ka oferta nga top-klubet në Premier Ligë. Do të shohim, por duhet të flasim me Zidanen. Për momentin Morata është i lumtur.
A do të qëndrojë apo jo, duhet ta pyesni Real Madridin”?,- ka thënë agjenti i tij Lopez, cituar nga Express. (b.an)
