Policia e Shtetit, në bashkëpunim me Inspektoratin e Mbrojtjes së Territorit dhe Bashkinë ka konfiskuar për interes publik, 3 katet e një ndërtese në Tiranë, në rrugën “Llukë Kaçaj”, të cilat ishin ndërtuar pa leje.
“Nga verifikimet e kryera rezultoi se ishte ndërtuar në tejkalim të lejes së ndërtimit, kati i 10 dhe i 11 i objektit 9-katësh dhe një pjesë e katit të 12 të tij. Gjithashtu, u konstatua se objekti ishte vënë në shfrytëzim, pa certifikatë përdorimi. Referuar Aktit Normativ Nr. 8, datë 01.10.2025, tejkalimi rezultoi mbi pragun ligjor 10% të parashikuar për masën e konfiskimit për interes publik”, tha policia.
Materialet procedurale iu referuan Prokurorisë, për veprime të mëtejshme. Gjithashtu, specialistët e Sektorit për Hetimin e Krimeve Ekonomiko-Financiare në Departamentin e Policisë Kriminale dhe shërbimet e Komisariatit të Policisë Nr. 4 Tiranë, kanë referuar disa herë materiale procedurale në Prokurori, për shkelje të konstatuara në këtë objekt.
Lajm i cunguar. Pa thelb. Pa kokë.
Kush është ky që ka guxur të shkelë ligjin ?
Po nuk u bë publik emri i shkelësit, nesër kjo do të përsëritet nga të tjerë, që po si ky, me ndonjë pagesë nën dorë, do ta mbyllin çështjen.
Por po u bë publik emri i shkelësit të ligjit, koruptimi do të ketë paksa më i vështirë.
Si mendoni redaksia JAVA ?