‘Tre banda ka Durrësi’/ Meta sulmon nga Presidenca Lefter Kokën: Po blen vota me porosi të Ramës. Djali i tij kërcënon me armë, shkon…

Presidenti i Republikës, Ilir Meta, ka dalë sot në një konferencë për mediat, për të denoncuar sipas tij blerjet e votave.

Duke i bërë thirrje që ‘ta dëgjojnë edhe ndërkombëtarët’, Meta tha se Lefter Koka ka blerë vota për llogari të Ramës në Durrës.

“Në Durrës janë tre banda, Vangjush Dako; Ard Çela i OSHEE dhe i treti është Lefter Koka me djalin dhe bandën e tij që terrorizojnë vajzat dhe gratë që të mos votojnë për LSi. Kemi duruar korrupsionin e tij dhe ato të djalit të tij. Djali i tij del me pistoletë pa leje dhe shkon shtëpi më shtëpi. Vazhdojmë që ta kuptoni më thjeshtë. Është në SPAK kjo. Ta dëgjojnë dhe ndërkombëtarët. I ka SPAK këto se nuk i lë Edi Rama, Ëngjëll Agaçi. Ndodh një gjë… Këtu të gjithë këta, Gim Seferi që bëri sikur iku nga LSI. Vjedhin bashkë me Lefter Kokën që të blejnë vota për Edi Ramën. Ja dhe Arbër Shtylla, shoku i djalit që të marrë lekët rehat Lefteri. Ja dhe Klodian Zoto që është bosi i të gjithëve. Evazioni është 22 milion e ca euro. Vidhen se duhet të shkojnë nëpër spitale, etj. Po këto lekë i duhen bandës për të blerë votat. E për të blerë votat e LSI se rritet. Sa më shumë gjethe të kalbura i bien, aq më shumë rritet. Alqi Bllako mban përgjegjësi pas Lefter Kokës”, deklaroi Meta.

g.kosovari