Dy tifozë të ekipit të futbollit të Partizanit, janë vënë nën hetim, pas trazirave të shkaktuara në ndeshjen e ditës së sotme me Kukësin.
A.M., 37 vjeç dhe E.C., 29 vjeç, banues në Tiranë, po procedohen penalisht në gjendje të lirë për veprën penale “Shkatërrimi i pronës”.
Procedimi ndaj tyre filloi pasi sot rreth orës 15:30, në stadiumin “Zeqir Ymeri” në Kukës, gjatë zhvillimit të ndeshjes Kukësi-Partizani, kanë dëmtuar stolat e stadiumit si dhe thyer xhamin e një automjeti.
Në ngarkim të tyre materialet i kaluan Prokurorisë së Kukësit, për veprën penale “Shkatërrimi i pronës”.
