Mbretëresha e Anglisë, Elisabeth mësohet t’i ketë kërkuar Princit William të ndalojë fluturimet me helikopterë së bashku me bashkëshorten dhe fëmijët e tyre për motive sigurie.
Sipas raportimeve, Madhërinë e saj e “tmerron” ideja se një fatkeqësi mund të kërcënojë trashëgiminë e fronit.
Një burim pranë monarkes 95 vjeçare, tregon se ajo i ndau shqetësimet e saj me mbretin e ardhshëm duke i thënë se është shumë e merakosur nëse një ngjarje e rëndë mund të ndodhte.
Një rregull i pashkruar i ndalon anëtarët e lartë të monarkisë të fluturojnë të gjithë bashkë. Por protokolli u lehtësua kur familja e William u shtua dhe ata nisën ta ndanin jetën e tyre mes Londrës dhe Norfolkut.
39-vjeçari William është në radhë të marrë fronin e monarkisë pas babait të tij Charles dhe ndiqet nga djali i tij Princi George. Një ndryshim në linjën e trashëgimisë do t’i kalonte fronin princit Harry, i cili bashkë me bashkëshorten Meghan kanë pasur përplasje me familjen dhe u larguan nga oborri.
/a.r
