Jeta e vështirë, problemet psikologjike dhe traumat që ka marrë që nga fëmijëria e përndjekin edhe sot. Problem për të mbetet strehimi dhe pamundësia për të mbijetuar, këto kanë qenë edhe aryset se pse ka tentuar t’i japë fund jetës.
‘’Këtë radhë është sepse duke parë gjendjen time, duke fjetur në rrugët e Tiranës, se tani është edhe ftohtë. Nga mërzitja dhe stresi kalova në këtë ekstrem. Të kërkosh ndihmë tek ne, asnjë nuk të ndihmon, vetëm rrinë dhe shikojnë, nuk reagon askush’’, -u shpreh ‘’Anxhela’’
Akuzat e saj për mos mbështetje shkojnë jo vetëm ndaj qeverisë, që nuk siguron një banesë dhe punë për të, por edhe ndaj drejtuesve të komunitetit LGBT.
‘’Kur njoftova edhe drejtuesen e Aleancës së LGBT, Xheni Karaj, një zonjë e njoftoi në telefon, ajo reagoi dhe tha ‘’Pse unë do merrem me Anxhelën’’. Asnjë nga pjestarët e aleancës, nuk ishin në spital për të reaguar. Mua po më çojnë drejt ekstremit aleanca LGBT’’,-u shpreh Anxhela’’. Vetëm në 4 muajt e fundit, Fatjoni apo Anxhela ka tentuar 3 herë vetëvrasjen.
