Një operacion antidrogë i koduar “Transportuesit” vuri në pranga tre persona në Vlorë.
Pas informacioneve të marra në rrugë operative për dy automjete të dyshuara se mund të transportonin lëndë narkotike, në aksin rrugor pranë fshatit Karbunar, Vlorë, u bë kapja e të dyshuarve.
Të arrestuarit janë Stavri Dyrmishi, 25 vjeç, banues në Vlorë; Denardo Dervishi, 22 vjeç, banues në Krahës, Tepelenë; Taulant Bejaj, 34 vjeç, banues në Vlorë;
Gjatë kontrollit të ushtruar në automjetet e sekuestruara “Toyota Yaris” dhe “Fiat Punto”, policia ka gjetur dhe sekuestruar gjithashtu 24.5 kilogramë lëndë narkotike të llojit kanabis sativa, 2600 euro që dyshohen se mund të jenë përfituar nga ky aktivitet kriminal, si dhe tre aparate celular.
Ndaj të dyshuarve hetimet janë në vijim, ndërkohë që materialet iu referuan Prokurorisë për veprën penale “Prodhimi dhe shitja e narkotikëve”, e kryer në bashkëpunim.
g.kosovari
