Një 47-vjeçar nga Tirana u arrestua nga policia në Gjirokastër, pasi tentoi të korruptojë efektivët e policisë rrugore në mënyrë që të mos merrte masë administrative.
Shtetasi Emri H., u ndalua në rrugën nacionale Gjirokastër- Kakavijë, në afërsi të fshatit “Vanistër”. Ai drejtonte një furgon me pasagjerë ku nga kontrolli i dokumentacioneve rezultoi se ai nuk kishte licencë për taksi.
Në këto kushte, shoferi tentoi të korruptojë policin duke i dhënë 500 lekë të rinj për të mos vazhduar procedurat administrative ndaj tij. Por efektivët e kanë arrestuar në flagrancë për mitdhënie./a.m.
