Transportonin 36 kg heroinë, arrestohen 2 shqiptarë dhe 1 bullgar në Milano
Dy shqiptarë dhe një bullgar ranë në prangat e policisë në Milano, pasi u kapën duke transportuar 36 kg heroinë, raporton Tv Klan.
Të arrestuarit janë Shahin Isufi 28 – vjeç, Florian Lanfi – 39 vjeç dhe Ivan Pençev 26 -vjeç.
Ata u vunë në pranga gjatë një kontrolli rutinë, që policia e Milanos e ndërmerr për të garantuar sigurinë e panairit të madh që zhvillohet këto muaj në qytet.
Drogën e kishin fshehur në dy automjete të modifikuara për të trafikuar në mënyrë të fshehtë lëndët narkotike.
Sasia e lëndës narkotike ishte ndarë në 130 mijë doza të vogla me një vlerë tregu prej 2 milionë eurosh.
Në automjetet Citroen C5 dhe Fiat Croma, heroina u gjet e fshehur në vende të ndryshme si prapa kasetofonit, në tubat e ajrimit apo në parakolp, raporton Tv Klan.
Në apartamentet e tyre u sekuestruan 80 mijë euro, një shumë që mund të përdorej edhe kryerjen e pagesave për lëndën narkotike.
