Duke filluar nga ky muaj, kompanitë e transportit publik do të vlerësohen me pikë dhe në rast të mos zbatimit të standardeve pasi kanë marrë licencën do t’ju hiqet e drejta e ushtimit të aktivitetit.
Kjo bëhet e ditur për mikrofonin e Report Tv nga drejtoresha e Agjencisë për Mbrojtjen e Konsumatorit, Rudina Hoxha. Kontrolli i flotës së autobuzëve të transportit publik do të bëhet nëpërmjet një çipi. Kur kompanitë e transportit marrin licencën ata raportojnë në numër më të madh të flotës, ndërsa kur ofrojnë shërbimin, autobuzët që janë në qarkullim janë më të pakët, për këtë arsye ka dhe vonesa në stacionet e autobuzëve. Tirana ka 15 linja urbane dhe 25 linja rrethqytetëse për të kryer transportin publik. Në total janë 500 vendstacione.
ma.me
