Bashkia e Tiranës, duke nisur nga dita e djeshme deri më tani ka vendosur 46 gjoba për kompanitë e transportit publik si pasoje e mosplotësimit të 10 kushteve të vendosura, pas rritjes së çmimit të biletës.
Në një prononcim për median Rudina Hoxha, përfaqësuese e bashkisë tha se “deri më tani janë vendosur 46 gjoba si pasojë e mosplotësimit të 10 kushteve të vendosura nga ana e bashkisë”. “Ne ja kemi komunikuar përfaqësuesve ligjore të këtyre kompanive për të mos shkelur afatet e gjobave të vendosura”, tha ajo.
Më tej ajo shtoi se “të gjithë inspektorët janë në terren për të kontrolluar autobuzat e linjave dhe të gjitha sanksionet janë të mirëpërcaktuara. Ne do të jemi transparentë me mediat për të folur rreth situatës në çdo moment”.
