Shoqata e Transportit Ndërqytetas dhe Rrethqytetas i ka dërguar një kërkesë qeverisë, duke i kërkuar marrjan e masave si pasojë e humbjeve të mëdha financiare të krijuar nga koronavirusi.
Sipas Shoqatës, paralizimi i transportit ka shkaktuar dhe vazhdon të shkaktojë humbje të mëdha financiare.
Kërkesat drejtuar Qeverisë
1- Mbështetjen me një fond prej 32 500 000 lekësh për pagesat e 2500 shoferëve, faturinove, financierëve, juristëve, drejtuesve teknik, operatorëve, agjentëve dhe administratorëve me gjysmën e një page minimale prej 13 000 lekësh, të cilët presin të paguhen brenda 10 të muajit prill.
2- Faljen e pagesës së sigurimeve shoqërore dhe tatimit mbi fitimin për një periudhë 3 mujore.
3- Shtyrjen e pagesave të kredive për një periudhë 3 mujore pasi bankat nuk po e respektojnë urdhrin e BSH.
4- Shtyrjen e pagesës së taksave vendore për një periudhë 6 mujore
5- Furnizimin me 2500 maska, doreza dhe 500 litra alkool. /e.s/
