Belind Këlliçi, kandidat i koalicionit “Bashkë Fitojmë” për kryetar të bashkisë Tiranë, ka premtuar që nëse e fiton garën për kryeqytetin, do ta bëjë transportin publik falas.
E pyetur në “Debat” se sa i realizueshëm i duket ky premtim, ish-ministrja e Financave Anila Denaj e zhvlerësoi këtë premtim të Këlliçit.
“Në 2021 unë përballa me propozimet e papërballueshme të opozitës që ishte edhe më e bashkuar. Është shumë kollaj të flasësh kur nuk ke në dorë financat e njësisë vendore, në këtë rast të bashkisë…Unë do ta zhvlerësoja. Unë nuk besoj te gjëja falas, nga eksperienca ime në 30 vite.”
Ish-ministrja theksoi se në rastin e transportit publik, bëhet fjalë për një shërbim që ka nevojë për t’u përmirësuar në infrastrukturë dhe në raste të tilla ka nevojë për financim.
“Flota duhet përmirësuar, shërbimi duhet përmirësuar, çmimi mund të mbahet i njëjtë ose i ulët. Duhet të lidhet e gjithë Shqipëria.”
Ndërsa i uroi fat Belind Këlliçit me këtë premtim që ka shkaktuar jo pak reagime, Denaj shtoi se është një vendim populist dhe jo i qendrueshëm.
/a.r
