Gjatë inspektimeve të vazhdueshme në mbarë vendin,në kuadër të zbatimit të moratoriumit 10-vjeçar për shfrytëzimin e pyjeve, Inspektoriati Shtetëror i Mjedisit dhe i Pyjeve sekuestroi sot një kamion mjet tip Ford, targë AA 119KU me lëndë drusore.
Ndaj drejtuesit të mjetit, shtetasit H.M. 50 vjeç nga Berati, u vendos gjobë në masën 50 milione lekë (të vjetra) ndërsa lënda drusore dhe mjeti u sekuestruan.
Ky është rasti i dytë brenda pak ditësh që ISHMP konstaton shkelje të moratoriumit prej hyrjes në fuqi më 11 shkurt 2016. Pak ditë më parë një tjetër drejtues mjeti u kap në flagrancë me një kamion me lëndë drusore në Shkodër.
Inspektorati Shtetëror i Mjedisit dhe Pyjeve (ISHMP) siguron se kontrollet do të jenë të vazhdueshme dhe rigoroze në zbatim të Moratoriumit 10 –vjecar të pyjeve.
Kreu i ISHMP-së Z.Ergys Agasi apelon gjithashtu qytetarët që të respektojnë ligjin dhe të denoncojnë çdo rast abuziv që konstatojnë në mjedis.
/a.g/
