Fernando Santos thotë se Ronaldo është i pafajshëm, pas akuzave për evazion fiskal.
Trajneri i Portugalisë, Fernando Santos, ka thënë se i beson 100 % Cristiano Ronaldos, duke thënë se ai është i pafajshëm.
Teksa trajneri Portugalisë hezitoi të përgjigjet lidhur me spekulimet që e lidhin Ronaldon me një largim të mundshëm nga “Santiago Bernabeu”. “E njoh atë për shumë vite”, tha Santos në konferencën për media para ndeshjes me Meksikën në Kupën e Konfederatave.
“Kam qenë trajner i tij kur ishte 18 vjeçar, para se të largohej nga Portugalia. Mund t’i fusë duart në zjarr për karakterin dhe integritetin e tij, si njeri dhe sportist. Kjo është deklarata ime. I besoj 100 % si njeri dhe sportist”, shtoi ai.
“Jam i sigurt se ju dëshiron të pyesni edhe më shumë, por nuk do t’ju përgjigjem më pyetjeve për Cristiano Ronaldon. Kam marrëdhënie të mira me lojtarët dhe nuk mund të themi asgjë për çështjet e tyre jashtë ekipit”, u shpreh më tej Santos, pas pyetjeve nëse Ronaldo do të largohet nga Reali.
“Jemi të fokusuar në këtë garë dhe nuk po mendojmë për asgjë. Cristiano është mirë dhe mbështet çdo lojtarë në Kombëtare, kemi marrëdhënie të shkëlqyer”, përfundoi Santos, përgatiti “Gazeta Express”. (b.an)
