Tekniku i Manchester United, Ole Gunar Solskjaerin nuk e ka pritur mirë humbjen e parë të tij në drejtimin e skuadrës përballë Arsenalit duke deklaruar se e nisëm ngadalë, ndoshta prej lodhjes së të mërkurës, në ndeshjen për Champions League me PSG.
Por Solskjaer theksoi se pavarësisht humbjes ne krijuam raste.
Por pasi ata shënuan golin e parë, u bë një tjetër ndeshje. Ne krijuam më shumë shanse sesa kur i mundëm në kupë. Ndonjëherë ndodhë, goditëm dy herë shtyllën dhe patëm 5 raste të mira. Nuk merituam të humbnim. Arbitri do të jetë i zhgënjyer kur të shikojë atë episod që unë mendoj se nuk ishte penallti.
Provuam në fund, por nuk ishte një nga ato ditë. Tani të mendojmë për çerekfinalen e Kupës FA kundër Uolvesit, e cila është një ndeshje shumë e rëndësishme dhe mezi po e presim”, tha trajneri i Mançester Junajtid, i cili komentoi edhe golin fantastik, por edhe njëkohësisht të çuditshëm të Xhakës:
“De Gea është i zhgënjyer sa herë pëson një gol. Topi lëvizi shumë çuditshëm, sepse u duk se do të shkonte në të majtë të David dhe pastaj ndryshoi drejtim. Granit Xhaka duhet të jetë një brazilian, pasi mënyra sesi e gjuajti topin dhe ndryshimi i drejtimit, ishte vërtet e mrekullueshme. Ishte goditja e para e tyre në pjesën e parë”, deklaroi Solskjaer.
