Trajneri i kombëtares shqiptare të futbollit, Christian Panucci duket se ka gjetur qetësinë në stolin e kuqezinjve, pas fitores 1-0 në miqësoren e “Elbasan Arenës” ndaj Uellsit. Por pavarësisht formën jo shumë të mirë të kuqezinjve, ai ka gjetur kohën për të komentuar gjendjen e ish-skuadrës së tij, Realit të Madridit.
Në prag të përballjes së Champions League, mes Realit dhe Romës, dy skuadra ku tekniku është aktivizuar si futbollist, Panucci ka zbuluar formulën që skuadrat duhet të ndjekin për të arritur te fitorja.
“Është e njëjta gjë për të dyja skuadrat. Është një përballje ku trajneri duhet t’i tregojë skuadrës së çfarë duhet të bëjnë, pasi vijnë pas dy humbjeve zhgënjyese në kampionat. Ti je ai që duhet të reagosh. Ai nuk ka nevojë të thotë shumë fjalë për të të motivuar para ndeshjes. Vetëm të futen në fushë dhe të argëtohen. Asgjë më shumë nuk duhet t’u thuhet lojtarëve “.-tha fillimisht Panucci.
Sa i përket ecurisë së Realit me Solarin në krye, tekniku kuqezi beson se argjentinasi ka bërë një fillim të mirë dhe meriton më shumë kohë për të provuar vlerën e tij.
“Ai ka fituar katër ndeshje dhe i ka dhënë atij një kontratë deri në vitin 2021. Ai ka shumë për të luajtur, sepse është një mundësi e madhe. Me cilësinë që ai ka, duke punuar me këta lojtarë nuk është i drejtpërdrejtë , por është një mundësi e mrekullueshme me talentin në dispozicion të tij. Ne kemi parë atë që Zidane ka bërë. Ai ka një skuadër shumë të mirë. Është gjithnjë më e lehtë se të kesh lojtarë mesatarë. “-tha tekniku i kuqezinjve.
Ish-ylli i Italisë shpreson që trajneri i Argjentinës mund të përsërisë suksesin që Zidane arriti në “Santiago Bernabeu”.
“Zidane fitoi tre Ligat e Kampionëve. Kur ta bëni këtë, ju keni diçka të qartë. Unë shpresoj se Solari e bën atë dhe fiton më shumë se Zizu “. -vazhdoi ai.
Por për kë bën tifo 45 vjeçari?
“Zemra ime është e ndarë. Çfarë do që të ndodh, unë do të humbas shumë”-përfundoi Panucci.
