ATSH raporton se trajneri uruguajan i ekipit kombëtar grek të futbollit, Sergio Markarian dha sot dorëheqjen, pesë muaj pas marrjes së ekipit.
“Erdha në Greqi për të ndihmuar ekipin kombëtar në një moment kritik. U kërkoj falje tifozëve pasi rezultatet nuk kanë qenë në lartësinë e pritshmërisë së tyre”, theksoi ai.
Trajner i Perusë (2010-13) dhe Paraguajit (1999-2001), Sergio Markarian, 70 vjeç, kishte nënshkruar një kontratë prej 350 000 eurosh me Federatën Greke të Futbollit.
Ekipi grek humbi para pak ditësh ndaj ekipit modest të Ishujve Faroe (1-2), ndeshje e vlefshme për Euro2016.
Sidoqoftë, presidenti i Federatës Greke të Futbollit, Jorgos Jirxiqis deklaroi se nuk do ta pranonte dorëheqjen e Markarianit.
”Unë besoj te ai”, deklaroi Jirxiqis.
