Trajneri i kampionëve të Botës, Didier Deshamp, ka folur për shortin e kualifikueseve të kampionatit europian. Trajneri i Francës është shprehur se grupi ku ata bëjnë pjesë nuk do të jetë aspak i lehtë pasi përballë do të kenë kundërshtari si Shqipëria, Islanda dhe Turqiaë.
Në një prononcim për “RTSH”, ai u shpreh se me kuqezinjtë do të jetë mjaft e vështirë pasi e njeh si ekip.“Është një grup ai që është. Shqipërinë e njohim pasi jemi përballur disa herë. Më vjen mirë që përballem me Panuçin pasi njihemi. E njoh mirë si lojtar kur isha te Monako.
Tani presim kalendarin për të ditur se kur luajmë. Kemi hasur vështirësi me Shqipërinë dhe kam respekt të madh për këtë skuadër. Shumë lojtarë po luajnë mirë me klubet e tyre. Duhet përqendrim dhe kujdes për të parë të gjitha detajet.
Është shumë e vështirë, por ajo që është e sigurt është që Islanda me rezultatet në Francë ka bërë shumë mirë dhe do të jetë kaq e fortë apo jo nuk e dimë.
Turqi është e fortë, por edhe Shqipëria. Nuk i veçojmë dot, por në fushë do të kemi ndeshje të vështira”, tha Deshamp. RTSH
