Një 55-vjeçar, i cili po udhëtonte me biçikletë në autostradën Durrës-Tiranë u përplas për vdekje nga një trajler.
Sipas policisë aksidenti ndodhi rreth orës 21:45 të mbrëmjes së djeshme.
“Në autostradën Durrës-Tiranë, shtetasi H.S., 60 vjeç, banues në Krujë, duke drejtuar mjetin tip “Man”, kokë trajleri, ka aksidentuar një shtetas me biçikletë , rreth 55 vjeç, ende i paidentifikuar , ku si pasojë ka ndërruar jetë”, thuhet në njoftimin e policisë.
Drejtuesi i mjetit, i cili shkaktoi aksidentin u shoqërua në Komisariatin e Policisë Durrës për veprime të mëtejshme.
Ndërkohë grupi hetimor po punon për përcaktimin e shkakut të aksidentit.
g.kosovari
