Trajneri i Liverpool edhe njëherë e ka goditur planin e Britanisë për t’u larguar nga Bashkimi Europian.Menaxheri i Liverpoolit, Jurgen Klopp e ka kritikuar përsëri Brexit, duke thënë se Britania është më e fortë si pjesë e BE-së, kurse e ndarë do të jetë vetëm.Pas një referendumi në qershorin e vitit 2016, Britania e Madhe është drejt largimit nga Bashkimi Europian më 29 mars, me një marrëveshje që duket se ende nuk është arritur për t’u larguar.Në prillin e 2018, Klopp kishte thënë për The Guardian që Brexit “nuk ka kuptim” kurse ai përsëri ka kritikuar këtë plan në një intervistë për BBC.“Çfarë kërkoni? Një situata aspak përfekte që do ju linte të vetëm apo një situatë jo perfektë ku ju jeni partner i fuqishëm në një bashkësi të fuqishme”, ka bërë pyetje retorike Klopp, transmeton GazetaExpress.
“Ky është kuptimi më i shëndoshë. Ky është kuptimi sepse historia na ka mësuar neve se nëse mbesim vetëm ju jeni më të dobët sesa keni qenë kur ishit të bashkuar”.
“Jam 51 vjet kështu që nuk kam provuar asnjë luftë. Ne jemi të bekuar si gjeneratë, por e kaluara ka treguar se kur keni partner të fuqishëm dhe jeni të bashkuar, Europa është një vend shumë më i sigurt”.
“E kaluara na ka treguar që sa më gjatë që janë të bashkuara Europa është një vend më i sigurt dhe ajo është ajo që ne e kemi. Po, ne kemi probleme por le t’i zgjedhim ato”.
“Ne jetojmë në rrethana të mrekullueshme; po, ne kemi probleme, por ne i zgjidhim ato. Nuk më pëlqen që të ndahemi përsëri”.
Me detalet e Brexit që ende janë të pasigurta nga disa figura prominente në Angli ku bëjnë thirrje për rivotim, Klopp shpreson që të gjitha palët të bashkohen dhe të prodhojnë një situatë më të qëndrueshme. “Ende shpresoj që dikush do të përdor shkopin magjik në fund”, tha Klopp. (b.an)
