Një 27-vjeçare ka humbur jetën në spitalin “Nënë Tereza” në kryeqytet një ditë më parë, pasi u vetëhelmua me fostoksinë.
Shtetasja me inicialet R.M., e cila jetonte në Kamzë, ka shkuar në gjendje të rëndë në spital, njoftoi policia dhe pavarësisht ndihmës së mjekëve nuk ka arritur të mbijetojë. Rreth orës 14:00, zemra e së resë pushoi së rrahuri.
Sipas dëshmisë së familjarëve dhënë policisë, ajo ka konsumuar fostoksinë në banesë. Shkaqet mbeten ende për tu zbardhur./a.m.
