Një 64-vjeçar në Elbasan, gjatë kohës që ka qenë duke sistemuar disa materiale ndërtimi, në një banesë të pabanuar e të amortizuar, ka ndërruar jetë pasi është shembur një kolonë.
Banesa, siç bën me dije policia, ishte në pronësi të kunatit të tij, burrit të motrës.
Grupi hetimor po punon për sqarimin e rrethanave të ngjarjes.
Njoftimi i policisë:
Elbasan/Informacion paraprak
Më datë 12.03.2024, rreth orës 16:10, në fshatin Shushicë, shtetasi F. F., 64 vjeç, gjatë kohës që ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës), është shembur një kolonë e banesës. Si pasojë 64-vjeçari është dëmtuar dhe ka humbur jetën.
Grupi hetimor po punon për sqarimin e rrethanave të ngjarjes./m.j
