Një ngjarje tragjike ka ndodhur në Ankona të Italisë ku ka humbur jetën një 18-vjeçar, i identifikuar si Luca Bergamaschi, pasi u hodh nga motori që po testonte në një parking në zonën industriale.
Mjeti me dy rrota, një Beta 300, doli nga rruga dhe përfundoi duke u përplasur me një pemë, ndërsa djali mbeti i vdekur përpara syve të babait dhe disa miqve të tij.
Motori ishte dhurata e shumëdëshiruar e marrë për ditëlindje. Babai ia kishte blerë, pavarësisht mendimit të kundërt të nënës.
Policia pritet të kryejë kontrolle në vendin e ngjarjes, teksa pritet që prokurori të komentojë detajet e gjetjeve.
Varrimi i 18-vjeçarit do të bëhet të martën në Katedralen e Senigallisë në orën 15.
Siç shkruan newsitaly, Luca Bergamaschi kishte ndjekur shkollën e mesme Fagnani.
Pas ngjarjes Profesor Giulio Donatiello shprehu ngushëllime për ngjarjen duke shkruar:
“Një djalë shumë i mirë iku në parajsë. E njoha në shkollë dhe e kujtojë si një nxënësi korrekt, të sjellshëm, bujar dhe të dashur. Lamtumirë Luca”.
