Një ngjarje e rëndë ka ndodhur këtë të diel, në Tiranë. Mësohet se një adoleshent ka humbur jetën pasi është mbytur në një rezervuar.
Policia njofton se sot, rreth orës 19:15, në rezervuarin e fshatit Vrap, është gjetur i mbytur, pa shenja jete dhe pa shenja dhune, nga xhaxhai i tij, një 17-vjeçar.
Mesohet se grupi hetimor që mbërriti në vendngjarje ka nisur punën për zbardhjen e rrethanave të ngjarjes.
Që prej nisjes së stinës së verës, në Shqipëri kanë humbur jetën mbi 10 shtetas, shumë prej tyre adoleshentë që kishin zgjedhur për të kaluar ditët e nxehta në liqene, lumenj apo rezervuare pranë banesave.
/a.r
