Një ngjarje tragjike është shënuar sot.
Dy vëllezër janë gjetur të vdekur në banesë në fshatin Çorrush të Mallakastrës.
Mësohet se të dy viktimat janë rreth 90 vjeç.
Ata janë identifikuar si Sabri dhe Novrus Velaj, të cilët dyshohet se u asfiksuan në banesën ku jetonin vetëm.
Ndërkohë pritet ekspertiza për të saktësuar shkaqet e vdekjes.
Njoftimi i Policisë:
Mallakastër/Informacion paraprak-Rreth orës 11:00, në fshatin Çorrush, Mallakastër, në banesën e tyre, janë gjetur pa shenja jete shtetasit S. V., 90 vjeç dhe N. V., 85 vjeç(vëllezër), të cilët jetonin të vetëm.
Paraprakisht nuk dyshohet për ngjarje kriminale.
Grupi hetimor po punon për sqarimin e rrethanave dhe përcaktimin e shkakut të vdekjes.
