Një ngjarje tragjike ka ndodhur në Pediatrinë e QSUT-së në Tiranë ku një foshnjë vetëm 4-muajshe ka humbur jetën. Ngjarja e rëndë ka ndodhur 1 ditë më parë ndërkohë ende nuk bëhen me dije shkaqet e vdekjes.
Policia raporton se ka nisur procedim për babain e foshnjës, pasi i ka rënë të fikët dhe ka dëmtuar një monitor të reanimacionit.
NJOFTIMI I POLICISË
Më datë 25.09.2017, u referuan materialet në Prokurorinë e Rrethit Gjyqësor Tiranë, për shtetasi V.Z vjeç 36 banues në Tiranë, pasi dyshohet se në QSUT, te urgjenca e pediatrisë, duke qenë në gjendje të rënduar psikologjike, për shkak të vdekjes së fëmijës 4 muajsh, aksidentalisht është rrëzuar, për pasojë ka dëmtuar monitorin kardiak të reaminacionit. Neni 161 i Kodit Penal.
/a.m.
