Avioni ushtarak rus bie në detin e Zi, afër Soçit. Ai kishte 91 persona në bord, njofton BBC. Avioni u zhduk nga radari 20 minuta pas ngritjes nga aeroporti Adler në pikën e pushimit të Soçit në orën 5:20.
Ministria e Mbrojtjes konfiirmoi se Tu-154 mbante në bord personelin e shërbimit, anëtarët e korit të famshëm Alexandrov dhe gazetarët. Avioni thuhet se po fluturonte drejt provincës Latakia të Sirisë.
Një ekip shpëtimi ka gjetur mbetjet e avionit në Detin e Zi, sipas agjensive të lajmeve, transmeton Syri.
Zëdhënësi i Ministrisë së Mbrojtjes së Rusisë, Igor Konashenkov tha se avioni po transportonte ata që do të shkonin të interpretonin për Vitin e Ri tek trupat ruse të vendosura në Siri. (b.an)
