Të paktën 13 të vdekur dhe 20 të plagosur janë shënuar nga disa të shtëna me armë gjatë së enjtes në një kolegj komunitar në Roseburg të Oregonit.
Autori i krimit është 26-vjeçari Chris Harper-Mercer me origjinë britanike, i mbushur plot me urrejtje dhe që vdiq gjatë përplasjes me policinë.
Me vete kishte katër armë- tre pistoleta, një pushkë dhe antiplumb.
Sipas Daily Mail, ai hapi zjarr duke pyetur viktimat e tij nëse ishin të krishterë apo jo.
Harper-Mercer shkruante në gusht të këtij viti se e adhuronte shumë gazetarin Vester Flanagan, që vrau dy kolegët e tij në një transmetim live.
“Duket se sa më shumë njerëz të vrasësh, aq më shumë je në qendër të vëmendjes,” shkruante ai në rrjetet sociale.
Një dëshmitare tha se ai i pyeste viktimat për besimin fetar.
“Mirë, nëse jeni të krishterë, do e shihni Zotin për një sekondë,” u thoshte.
“Më pas i qëlloi dhe i vrau të gjithë,” tha një dëshmitare.
