19 persona humbën jetën në plazhet e vendit përgjatë sezonit veror si pasojë e mbytjes në det. Gjithsesi për Zv/Presidentin e Federatës Shqiptare te Vrojtuesve të Plazhit, Robert Neçaj ky është një numër më i vogël viktimash se në sezonet e mëparshme verore. Dhe për këtë ai thotë se ka kontribuar rritja e numrit të vrojtuesve në plazhe, megjithëse jo aq sa duhet.
Në plazhin e Shëngjinit nevojat për vrojtues ishin shumë të mëdha, ku nga 250 që duhet për të mbuluar të gjithë vijën bregdetarë vetëm 70 ishin të licencuar. Neçaj shtoi se në këtë plazh janë shënuar vetëm 4 viktima përgjatë këtij sezoni, edhe ato kanë ardhur si pasojë e arrestit kardiak dhe kanë ndodhur në ato zona ku nuk mbulohej me vrojtues plazhi.
Sipas të dhënave të federatës së vrojtuesve gjatë këtij sezoni janë shpëtuar 400 persona që kanë qenë te rrezikuar seriozisht për jetën e tyre.
/a.r
