Tragjedi në prag të Krishtlindjes! Është kjo ajo që ka ndodhur në Torino të Italisë. Adrien Sandjo, vetëm 18 vjeç, ka ndërruar jetë pasi humbi ndjenjat në fushë duke luajtur futboll.
Sulmuesi po luante një ndeshje për Cit Turin, të vlefshme për ligën e të rinjve. Në një moment të papritur, ai është ndjerë i sëmurë dhe ka pësuar arrest kardiak. Shokët e tij të skuadrës, kundërshtarët, por edhe tifozët në ndeshje kanë dëshmuar skena që nuk do t’i harrojnë kurrë.
Sandjo ka pësuar këputje trupi dhe ka rënë me gjunj në tokë. Ai është përpjekur të ngrihet, por nuk ka mundur. Miqtë e tij shkuan ta shpëtonin e po ashtu edhe mjekët.
Sulmuesi u dërgua menjëherë në spital ku u intubua dhe u la në koma të induktuar. Zemra kishte vazhduar të rrihte duke rritur shpresat e familjarëve. Por të enjten ai u shpall i vdekur për shkak të një tromboze në tru. Familjarët e tij kanë autorizuar që organet e futbollistit të dhurohen.
/a.r
