Këtë të mërkurë në orën 19:00 dioqeza e Lezhës dhe ajo e Rrëshenit, bashkë me shoqërinë civile Lezhë-Kurbin-Rrëshen, organizojnë një marshim homazh për 7-vjeçaren Jonada Avdia që gjeti vdekjen në Potam të Himarës.
Nëpërmjet një postimi në rrjetet sociale, ipeshkëvi i dioqezës së Rrëshenit dom Gjergj Meta ka ftuar të gjithëve qytetarët, sidomos pushuesit që ndodhen në Shëngjin që të bashkohen me ta në oborrin e Kishës së Shëngjinit e prej aty të nisemi në heshtje drejt bregdetit me lule e qirinj në duar.
“Kjo është një lutje, një dëshirë dhe një protestë që gjëra të tilla, frut i papërgjegjshmërisë, të mos ndodhin më kurrë e që të gjithëve t’u ofrohet siguri”, shkruan dom Gjergj Meta.
/a.r
