13 vjet pas shpërthimit tragjik në Gërdec, SPAK ka kërkuar hetim ndaj ish-ministrit të mbrojtjes së asaj kohe, Fatmir Mediu.
Avokati i familjeve të viktimave, Dorian Matlia tha në një lidhje direkte me edicionin qendror të lajmeve në “Vizion Plus” se Fatmir Mediu, asokohe ish-ministër i Mbrojtjes, akuzohet për “shpërdorim detyre” dhe mund të dënohet deri më 7 vjet burg.
Mirëpo, sipas tij, më shumë ka rëndësi zbardhja e të vërtetës, sesa ndëshkimi i Mediut.
“Kërkesa që ka bërë SPAK përbën një hap ndryshe. Gjëja që është më kryesore për të parë është ka apo jo pengesë. E dyta lidhet me afatin,por nuk ka një afati të përcaktuar kur e merr statusin të pandehur dhe kur mbaron gjykimi. Nëse Gjykata e Lartë vendos të fillojë gjykimin, atëherë ish-ministri i Mbrojtjes, Mediu do të përballet me akuzën e shpërdorimit të detyrës dhe do t’i duhet të mbrohet. Kjo vepër penale ka një maksimum dënimi deri në 7 vjet burg, por kjo rezervohet edhe në rastin e rrethanave rënduese. Nuk është ky rasti. Me tepër ka rëndësi për familjet që të shpallet e vërteta, sesa ndëshkimi i ish-ministrit.”
Më tej, ai theksoi se familjarët e viktimave të tragjedisë kërkojnë kryesisht dëshmpërblim për humbjen e jetës dhe jo pasuror.
“Dëshmpërblimet deri më tani, Gjykata Administrative që i ka akorduar ka konstatuar mjaftueshëm fakte që e ngarkojnë Ministrinë e Mbrotjes me përgjegjësi civile. Nuk ndryshon asgjë në dëshmpërblimet që marrin familjarët, vetëm në zbardhjen e të vërtetës në lidhje me një pjesë të zinxhirit komandues se kush e pati fajin në atë tragjedi. Në përgjithësi, personat kanë kërkuar dëshmpërblim për humbjen e jetës, ja pasurore. Sa i përket dëmtimit të pasurisë, ka raste më të rralla.”
/a.r
