Zëvendëskryeministri Niko Peleshi ka vizituar në QSUT 4 të plagosurit nga shëprthimi i ndodhur në uzinën e naftës në Ballsh mbrëmjen e djeshme. Pas bisedës me stafin mjekësor, Peleshi tha se gjendja e tyre është drejt përmirësimit, teksa tha se nevojitet ende trajtim intensiv. Ai ka shprehur ngushëllimet për familjen e viktimës.
“Dua të shpreh ngushëllimet për familjen e Shkqlim Muçës. Ne jemi pranë e do të jemi në vazhdimësi pranë familjes. Ndëkrohë dua të falenderoj shërbimet për trajtimin e 4 të plagosurve. Ka qenë një punë e shkëlqyer e zjarrfikësve, dhe pastaj të lënduarin u trajtuan menjëherë. Sot kemi 4 të lënduar, dy prej të cilëve janë në gjendje më të mirë dhe komunikojnë. Dy të tjerët në gjendje që vlerësohet më e rëndë”, tha Peleshi.
Ndërkohë zëvendëskryeministri i’u përgjigj edhe akuzave të kryedemokratit Lulzim Basha në lidhje me këtë ngjarje. Ai tha se ajo nuk duhet përdorur për kapital politik, dhe se informacionet flasin për një ngjarje aksidentale.
Informacionet tona janë për aksident, por nuk mund të flasim para kohe. Dua të shpreh indinjatë për gjithë ata që nxitojnë t’i kapin këto ngjarja të rënda, të bezdisin familjet për kapital politik./a.m.
