Fishekzjarret u kanë marrë jetën tre personave dhe kanë plagosur dhjetëra të tjerë në Evropë këtë vit të ri, pavarësisht ndalimeve të përdorimit të tyre, shkruan BBC.
Në Holandë, një djalë 12-vjeçar humbi jetën dhe një tjetër u plagos rëndë, raportojnë mediat lokale. Policia holandeze ka arrestuar një person për ngjarjen e rëndë.
Në Gjermani, një 37-vjeçar humbi jetën nga fishekzjarret në natën e ndërrimit të viteve në qytetin perëndimor të Hennef. Policia ka nisur hetimet dhe nuk ka ende të ndaluar.
Agjencia gjermane e lajmeve DPA raportoi se disa persona u plagosën në incidente të ndryshme në Gjermani.
Të paktën 80 persona u lënduan nga fishekzjarrët në Holandë, sipas De Telegraaf, e mes tyre kishte njerëz që humbën këmbët dhe duart.
Në Austri pati gjithashtu disa incidente, duke përfshirë një në të cilin një 23-vjeçar humbi jetën.
Si Holanda ashtu edhe Gjermania ndaluan shitjen e fishekzjarreve gjatë periudhës së Vitit të Ri për shkak të pandemisë së koronavirusit, por kjo nuk i pengoi qytetarët t’i gjenin dhe t’i përdornin ato.
g.kosovari
