Burrë e grua nga Pogradeci që udhëtonin me mjetin e tyre në aksin Librazhd-Elbasan mëngjesin e sotëm janë përplasur nga një mjet tjetër në rrugë, e për pasojë gruaja ka humbur jetën, ndërsa burri është plagosur.
Mësohet se çifti nga Pogradeci udhëtonin me mjetin e tyre tip ‘Benz me targë AA 203 CA, por në një moment, në vendin e quajtur ura e Murrashit, mjeti ka dalë nga rruga. Të dy kanë dalë nga mjeti për të parë çfarë dëmtimesh kishte dhe në atë moment janë përplasur nga një minibus. Për pasojë 38-vjecarja M. B ka humbur jetën, ndërsa bashkëshorti i saj A. B është plagosur.
“Njoftohemi se sot më datë 10. 09. 2016 shtetasi A. B, banues në Pogradec duke drejtuar mjetin tip “Benz” veturë me targa A A 203 CA, në aksin rrugor Librazhd-Elbasan në vendin e quajtur ura e Murrashit, ka dalë nga rruga. Shtetasi A. B, i cili ka qenë duke udhëtuar me bashkëshorten e tij, shtetasen M.B, 38 vjeçe kanë zbritur nga makina për të kontrolluar nëse mjeti ka dëmtime. Më pas mjeti tjetër minibuz me targa A A 986 I F drejtuar nga shtetasi R. S , 40 vjeç, banues në Korçë, që po lëvizte në aksin rrugor Librazhd – Elbasan, ka aksidentuar me pasojë vdekjen shtetasen M. B”,- thuhet në njoftimin e policisë.
Të njejtat burime thonë se kanë arrestuar shoferin e minibusit, ndërsa hetimet për ngjarjen vijojnë.
