Lajm tronditës nga qyteti i Durrësit. Një 29-vjeçare ka ndërruar jetë dje paradite, ndërsa ishte duke pirë ujë, 5 ditë pasi ka sjellë në jetë foshnjen e saj, raporton gazetarja Klodjana Haxhiaj.
Familjarët e Ardita Muçës kanë bërë denoncim në Polici dhe drejtojnë gishtin nga mjekët. Ata pretendojnë se ata nuk kanë treguar kujdes ndaj vajzës së tyre gjatë procesit të lindjes, ndërsa presin rezultatet e mjekësisë ligjore.
“E reja lindi me operacion cezarian në datë 30 Qershor në spitalin e Durrësit dhe pas katër ditësh ka dalë nga spitali. Dje, pasi ishte takuar me motrën e saj, pasi piu ujë u këput e ra ne dysheme. Ndihmën e parë ja dha bashkëshorti, i cili e solli në jetë. Ambulanca mbërriti vonë dhe pa pajisjet e duhura. Ekipi që erdhi në banesë bëri procedurën, por kërkuam që të vijë një mjek, pasi ata nuk ishin të përgatitur për paciente lehonë. Më vonë erdhi mjeku”, tregojnë të afërmit, raporton News24.
Më tej, ata sqarojnë se bombola e oksigjenit kishte mbaruar, ndërsa e reja në urgjencë kishte mbërritur me rrahje zemre, por mjekët ju kanë thënë se truri nuk funksionon pa oksigjen.
“bombola e oksigjenit mbaroi ndërsa e reja në Urgjencë mbërriti me rrahje zemre, por mjekët na thane se truri nuk funksionon pa oksigjen. E keni sjellë vonë na thanë”, thane familjaret!
Nuk dihet se cili ka qenë shkaku i vdekjes së të resë nga Durrësi, por mbeten për t’u zbardhur në vijim detaje të reja lidhur me ngjarjen e rëndë./m.j
