Gjykata e Tiranës liroi nga paraburgimi 4 nga 5 të arrestuarit e operacionit “Complex” të akuzuar për dhënie ndihmë për kalim të paligjshëm të kufirit. Masa e sigurisë “arrest në burg” u caktua për Rigers Vejsiun për shkak të faktit se është përsëritës. Për të dyshuarit e tjerë, Sterjo Germenji, Anamaria Mihallari, Drita Shehu dhe Sanije Shehu u caktua masa “arrest në shtëpi”.
Sipas prokurorisë, Sterjo Gërmenji dhe Anamaria Mihallari u arrestuan në kushte flagrance, pasi në mjetin e tyre u transportuan nga Korçë në Tiranë katër sirianë. Destinacioni i tyre në kryeqytet ishte nje hostel në Laprakë, në zotërim te Sanije Shehut. Në ambientet e këtij hosteli janë gjetur 22 shtetas arabë, si edhe dhjetëra pasaporta bangladeshase.
Sipas prokurorisë, ka dyshime se mes tyre ishin futur në vend në mënyrë të ligjshme bangladeshas, duke përfituar nga një VKM, që lejon bangladeshasit të futen pa vizë në Shqipëri, nëse kanë lejeqëndrim në Emiratet e Bashkuara Arabe.
Emigrantët e paligjshëm pasi strehoheshin nga motrat Drita dhe Sanije Shehu në hotelet e tyre në zonën e Laprakës, ndërsa organizimin e transportit të tyre drejt Kukësit, për të kaluar më pas në Kosovë e në fund të vendet e Bashkimit Europian, e bënte djali i Dritës, Rigers Vejsiu.
Sipas policisë, ata dyshohet se gjatë veprimtarisë së tyre disa vjeçare kanë trafikuar një numër të konsiderueshëm emigrantësh të paligjshëm dhe personave që hynin në vendin tonë me dokumentacion të rregullt.
/a.r
