Dy të rinj francezë janë arrestuar nga policia në portin e Durrësit, pasi gjatë kontrollit në makinën e tyre është zbuluar një sasi kanabisi dhe kokaine.
Të arrestuarit janë C.B. 19 vjeçe dhe K. C. 30 vjeç.
Drogën, kanabis në formë çokollate dhe kokainë e kishin fshehur në makinën tip “Peugeot”.
Policia dhe prokuroria e Durrësit janë duke hetuar për lidhjet e dy francezëve me shqiptarë për të zbërthyer rrjetin e trafikut të drogës.
NJOFTIMI
Shërbimet e Policisë Kufitare në PKK, Port Durrës, si rezultat i kontrolleve të shtuara si në dalje ashtu dhe në hyrje në Portin e Durrësit, kanë goditur një rast të prodhimit dhe shitjes së lëndëve narkotike.
Në vijim të veprimeve nga specialistët për Hetimin e Narkotikëve në DVP Durrës, u arrestuan në flagrancë për veprën penale “Prodhim dhe shitja e narkotikëve”, kryer në bashkëpunim, shtetasit francez, C.B., 19 vjeçe dhe K. C., 30 vjeç, pasi gjatë kontrollit në mjetin tip “Peugeot”, në PKK, Port Durrës, iu gjetën dhe iu sekuestruan në cilësinë e provës materiale një sasi lëndë narkotike cannabis sativa, një sasi lëndë narkotike cannabis sativa në formë çokollate dhe një sasi lëndë narkotike e dyshuar kokainë.
/m.j
