Zbulohet mënyra se si Neritan Faria dhe Saimir Cullhaj tentuan të trafikonin armët nga Rinasi drejt Anglisë. Burime të Report TV nga grupi hetimor bëjnë me dije se pjesë e kallashnikovit ishin të kamufluara si “pjesë makinerie”. Për të justifikuar dërgesën në Londër Neritan Faria dhe Saimir Cullhaj tek dërgesa kishin shkruar “pjesë makinerie”, në mënyrë që ti shpëtonin autoriteteve doganore.
Por nga kontrollit me rrezet X, u zbulua se ishin pjesë të armëve luftarake të tipit kallashnikov. Deri më tani është arrestuar 32-vjecari Saimir Cullhaj, ndërkohë që Neritan Faria është shpallur në kërkim.
Dyshohet se 47-vjecari Neritan Faria është larguar jashtë shtetit dhe Prokuroria i ka kërkuar informacion Interpolit. Ndërkohë vijojnë hetimet edhe nga autoritetet angleze, për të zbuluar se kush kanë qenë personat të cilët merreshin me trafikun e armëve nga Shqipëria drejt Londrës.
ma.me
