Një shqiptar është arrestuar nga policia greke, i akuzuar për trafik droge.
I cilësuar si udhëheqësi i trafikut ndërkombëtar të drogës në shtetin fqinj, 57-vjeçari u arrestua nga një operacion i policisë greke.
I arrestuari ka poseduar dhe qarkulluar sasi të mëdha kokaine, kryesisht në Selanik.
Gjatë një kontrolli të kryer në shtëpinë e tij në zonën e Ambelokipit, u gjetën dhe konfiskuan më shumë se 1.3 kg kokainë, substanca tretëse të lëngshme, preparate farmaceutike.
Po ashtu, në banesë kishte një shumë prej 2 mijë eurosh, telefona celularë dhe mjete të tjera.
Për momentin nuk bëhet publik identiteti i tij për shkak se hetimet vijojnë.
/a.rada
