Trafikonte 35 kg kanabis në gomën e makinës, arrestohet 27 vjecari

Një 27 vjeçar është arrestuar nga policia e kufitare e Kapshticës pasi në atutomjetin me të cilin ai udhëtonte, iu gjetën rreth 35 kg kanabis. Në prangat e policisë ka rënë Rigels Kushe, 27 vjeç,banues në Tiranë. Sipas policisë, i arrestuari mbrëmjen e djeshme, në dalje nga Shqipëria, me mjetin kamion tip“Volvo”me targë AA763EL, në pronësi të tij, në dy gomat rezervë të mjetit, iu gjet dhe iu bllokua 34 kg e 980 gr, lëndë e dyshuar narkotike kanabis sativa. Sipas policisë sasia e lëndës narkotike ishte e ndarë në 65 pako të mbështjella me letër natribani.
Po ashtu në cilësinë e provës materiale iu sekuestruan edhe 2 aparate celularë, si dhe150 euro.
Materialet i kaluan, Prokurorisë së Krimeve të Rënda të Rrethit Gjyqësor Tiranë për veprën penale ‘’Trafikim i lëndeve narkotike‘’.