Autoritetet britanike kanë “shkatërruar” një bandë shqiptarësh, që ka dërguar njerëzit nga Spanja në Mbretëri të Bashkuar.
Besohet se emigrantët kanë paguar mes 3.000-15.000 euro për të kaluar nga njëri shtet në tjetrin.
Zyrtarët e Agjencisë Kombëtare për Krime, me bazë në Spanjë dhe Mbretëri të Bashkuar, kanë punuar me autoritetet spanjolle për këtë rast.
Banda ka kontrabanduar kryesisht shqiptarë përmes qyteteve spanjolle, Bilbao dhe Santander, për në Mbretëri të Bashkuar, duke përdorur barka dhe mjete tjera në rrugë drejt qyteteve Portsmuth, Sauthhempton dhe Liverpul.
Autoritetet britanike dhe ato spanjolle kanë identifikuar 50 njerëz që kanë kaluar në Mbretëri të Bashkuar me ndihmën e kësaj bande, mirëpo Agjencia Kombëtare për Krime ka thënë se shifra e saktë nuk dihet ende.
/f.s
