Edhe biçikletat po përdoren nga trafikantët për transportimin e lëndëve narkotike, si një mënyrë efikase kjo për t’u kamufluar.
Specialistët për Narkotikët në Durrës kanë finalizuar me sukses operacionin e koduar ”Çiklisti”. Gjatë këtij aksioni janë sekuestrohen lëndë narkotike të llojit kokainë, Cannabis Sattiva si dhe një armë e ftohtë, ndërsa në prangat e policisë kanë rënë tre persona dhe tre të tjerë janë proceduar penalisht.
Operacioni erdhi pas një punimet hetimore tre mujore nga policia në bashkëpunim me Prokurorinë e Rrethit Gjyqësor Durrës. Trafiku i drogës brenda qytetit të Durrësit kryhej pikërisht me biçikletë, për të mos rënë në sy.
Personat e arrestuar janë Florian Likmeta 41 vjeç, banues në Durrës, Detar Rama 24 vjeç, banues në Durrës dhe Erti Bllaca 31 vjeç, banues në Durrës.
Gjithashtu filloi proçedimi në gjendje të lirë për S.Zh. 23 vjeç, banues në Durrës, E.M. 22 vjeç, banues në Durrës dhe G.R. 20 vjeç, banues në Tiranë.
Arrestimi i tyrë u bë pasi një natë më parë, në lagjen Nr.13, Durrës, gjatë kontrollit fizik të ushtruar shtetasve të mësipërm, përfshirë edhe tre muajt të hetimit, u janë sekuestruar në cilësinë e provave materiale, lëndë narkotike, të ndara në doza për t’u shitur, konkretisht:
• rreth 100 gr lënde narkotike e dyshuar e llojit Kokainë;
• rreth 500 gr lënde narkotike e dyshuar e llojit Cannabis Sattiva;
• një thikë;
• një kaçavidë, brenda së cilës vendosnin lëndën narkotike;
• një biçikletë;
• lekë dhe
• aparatë telefoni celular.
Si kryhej trafiku i drogës me biçikletë
Të arrestuarit, dozat e lëndëve narkotike, Kokainë dhe Cannabisin e fshihnin në një pjesë të biçikletës (pjesën e pasme) dhe më pas I shpërndanin.
Mjeti që përdornin ishte biçikleta ose motor me qëllim që të mos identifikoheshin që po kryenin veprimtari të jashtëligjshme.
F.Likmeta ka qenë i arrestuar në vitin 2014, po për të njëjtën vepër penale (shpërndarës Kokaine) dhe gjatë kësaj periudhe ka qenë në lirim me kusht.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Prodhimi dhe shitja e narkotikëve”dhe”Prodhimi, mbajtja, blerja apo shitja pa leje e armëve të ftohta “në bashkëpunim parashikuar në nenet 283/2 dhe 279 të Kodit Penal.
shqiptarja.com/d.i.
