Gjykata e Torinos ka lënë në burg për 5 vite të moshuarin Italian, i cili në bashkëpunim me një shqiptar kishte trafikuar me avion rreth 80 kg marijuanë nga Shqipëria drejt Italisë.
Pasquale D’Ambrosio, 60 vjeçar dhe pronar i avionit të tipit Dynamic, u ndalua në 2015 në pistën e komunës së Gattinarës në provincën e Vercellit me sasinë e drogës.
Piloti 60 vjeçar është dënuar me 5 vite për akuzën e trafikut ndërkombëtar të drogës, teksa fakti është vërtetuar përmes zbulimit të mesazheve në celularin e tij, ku D’Ambrosio komunikonte me bashkëpunëtorët Rosario Campisi, Maksim Llanaj e Gezim Borakaj.
