Një trafikant ndërkombëtar droge u arrestua me 13 kg kokainë në aeroportin Malpensa, Varese (Itali).
Burri, një spanjoll 30-vjeçar nga Republika Domenikane, shtirej si invalid, por karrocën e tij e kishte të mbushur me drogë.
Duke u sjellë si invalid ai merrte ndihmë të veçantë dhe përpiqej të shmangte kontrollet.
Por planët e tij nuk shkuan siç duhej pasi u kap nga nuhatja e “detektivit” Crai, qenit të njësisë së qenve të Fiamme Gialle.
Pothuajse një milion e gjysmë euro fitim do të kishte nxjerrë në treg kokaina që trafikanti kishte fshehur në mbushjen e karrocës me rrota ku ishte ulur.
Shoqëruesi i linjës ajrore, i caktuar për të ndihmuar 30-vjeçarin, u shtang dhe u largua mënjanë kur kontrollorët nxorrën kokainën nga karroca.
Në atë moment trafikanti u ngrit në këmbë duke i dhënë fund inskenimit.
I arrestuar me akuzën e trafikut ndërkombëtar të drogës, ai u dërgua në burgun në Busto Arsizio.
/a.r
