Deputeti i PS, Saimir Tahiri propozon ndryshime në Kodin Penal dhe ashpërsim të dënimeve për të gjithë ata që dhunojnë kafshët. Ish-ministri deklaroi se ai që dhunon një kafshë sot nesër dhunon një familjar dhe pasnesër kthehet në rrezik për shoqerinë.
“Paraqita një projektligj në parlament. Dhuna kundër kafshëve është kthyer në fenomën dhe propozova disa ndryshime në Kodin Penal. Ai që dhunon një kafshë sot nesër dhunon një familjar dhe pasnesër kthehet në rrezik për shoqeinë“, deklaroi Tahiri
Ish-ministri i Brendshëm deklaroi se është e padrejtë që për sasi të ndryshme droge të ketë dënime të njëjta. Tahiri propozon ndryshime në Kodin Penal, pasi sipas tij është e padrejtë që të dënohen njësoj një trafikant droge dhe një person që konsumon hashash. Ai hodhi akuza edhe ndaj drejtesise.
“Propozova ndryshime në Kod edhe për kultivimin e drogës. E paprecedentë të denohen njëlloj si ai që konsumon një cigare hashash dhe si ai që trafikon me tonelata. Kjo ka shërbyer për gjykatën si mundësi për më shumë korrupsion. Nuk mund të ketë dënim të njëjtë për sasi të ndryshme droge“, deklaroi Tahiri për mediat./javanews
a.ç
