Policia italiane ka shkatërruar një bandë të shpërndarjes dhe trafikut së kokainës në Parma, ndërsa ka vendosur në pranga 4 të rinj shqiptarë.
Sipas mediave vendase, në grup rekrutoheshin të rinj të cilët silleshin nga Shqipëria me vizë turistike dhe merreshin me shpërndarjen e lëndëve narkotike në zonën e Parmës.
Kreu i grupit ishte shqiptari me inicialet K.A 41 vjeç. Ai u siguronte siguronte kushtet shqiptarëve që të shkonin në Itali të punonin tre muaj dhe të ktheheshin në Shqipëri, për t’u zëvendësuar nga të tjerë të rinj. 3 të arrestuarit e tjerë janë B.F 21 vjeç, T.K 20 vjeç dhe S.H 22 vjeç.
Ata e shisnin kokainën me një çmim të lirë rreth 80 euro grami. Nga nëntori 2016 deri në mars 2017, biznesi pati shumë fitime me një xhiro mbi 166 mijë euro.
“Për mua ata do të kthehen në Shqipëri e do të hanë pleh, sepse ata nuk kanë më besimin tim” – thuhet nga kreu i grupit, në një nga përgjimet e bëra nga policia.
a.ç
